SARI BANAKETA

Oporretan zeharo murgildu baino lehen, ikasleek egindako lanek hainbat sari merezi izan dituzte. Dakizuen bezala, irakurzaletasuna bultzatzeko asmoz IRAKURTZEAK BADU SARIA ekimena martxan du Ikastetxeak. Aurten ere ikasle dexentek parte hartu du, erreseinak egiten edo hemerotekarako artikuluak laburtzen. Agindutakoa zor, ELKAReko bonoa jaso dute azken aste honetan.

Hauek dira sarituak: Haizea Izagirre (DBH 4), Izaro Azpiroz (Batx. 2) eta Izaro Urreta (Batx 2)

Bestalde, hain ezaguna den Egunean behin lehiaketan parte hartzera ere bultzatu ditugu ikasleak; egia esan, zeharo motibatuta eta gustura aritu dira jokoan. Garaileek ARAMENDIAko saria jaso dute.

Hauek izan dira saridunak: Oihan Olano (DBH 3), Jon Lasa (DBH 4), Irati Urdanpilleta (Batx. 1) eta Iraia Leon (Batx. 2).

Bejondeiela!!!

Latineko proiektuak

Aurten ere Batxilergo I.-eko Latineko ikasleek azken ebaluazioko proiektua burutu dute.

Talde batek "IMPERIUM ROMANUM" izenburua duen lana aurkeztu du. JULIO-KLAUDIAR familiaren inguruko datu bilketa egin ondoren, gaian adituak direnentzak joku bat egin dute.

Bigarren taldeak "ZODIACUS LATINUS" proiektua gauzatu dute. Bertan ZODIAKOAn mitologia greko-latindarrak duen eragina aztertu dute horren inguruko joku bat asmatuz."

ARGAZKIAK IKUSI

AG2030eko UDAL FOROA

Tolosako gainontzeko ikastetxeekin batera, aurtengo ikasturtean AG2030ean landu dugun “Basoen” gaia partekatu dugu udal taldearekin, gure konpromezu eta proposamenen berri emanez. Argazki gehiago ikusteko klikatu HEMEN.

ENARAK PROIEKTUA

4 DBHko Biologia eta Geologiako ikasleek ENARAK PROIEKTUAren berri izan dute ARANZADIKO Ornitologia Ataleko Olatz Aizpurua eta bere lankideen eskutik maiatzaren 24an. Argazkiak ikusteko klikatu HEMEN.

 

Matematikako #UdaberrikoLehiaketa22

Madrilgo Complutense unibertsitateak, EHUrekin elkarlanean, aurten ere matematikako #UdaberrikoLehiaketa22 antolatu du. 2. batxilergoko Aimar Álvarez hirugarren geratu da batxilergoko kategorian, eta maiatzaren 20an, Leioako Zientzia eta Teknologia fakultatean, jaso zuen merezitako saria. ZORIONAK!!