MUGIKORTASUN ASTEA ETA ASTEKLIMA
2022-09-19
Urtero bezala irailean ospatzen diren Mugikortasun Astea eta Asteklima zuekin ospatzeko hainbat ekintza prestatu ditu Udalak beste erakunde batzuekin batera. Guk ere, ikastetxe moduan, bat egin nahi dugu ekimen honekin eta ekintzen aurkezpen kartelak partekatzen dizkizuegu: MUGIKORTASUN ASTEA-ren EGITARAUA eta ,GURPIL-GUNEA -ren INFORMAZIOA.
SARI BANAKETA
Oporretan zeharo murgildu baino lehen, ikasleek egindako lanek hainbat sari merezi izan dituzte. Dakizuen bezala, irakurzaletasuna bultzatzeko asmoz IRAKURTZEAK BADU SARIA ekimena martxan du Ikastetxeak. Aurten ere ikasle dexentek parte hartu du, erreseinak egiten edo hemerotekarako artikuluak laburtzen. Agindutakoa zor, ELKAReko bonoa jaso dute azken aste honetan.
Hauek dira sarituak: Haizea Izagirre (DBH 4), Izaro Azpiroz (Batx. 2) eta Izaro Urreta (Batx 2)
Bestalde, hain ezaguna den Egunean behin lehiaketan parte hartzera ere bultzatu ditugu ikasleak; egia esan, zeharo motibatuta eta gustura aritu dira jokoan. Garaileek ARAMENDIAko saria jaso dute.
Hauek izan dira saridunak: Oihan Olano (DBH 3), Jon Lasa (DBH 4), Irati Urdanpilleta (Batx. 1) eta Iraia Leon (Batx. 2).
Bejondeiela!!!
Latineko proiektuak
Aurten ere Batxilergo I.-eko Latineko ikasleek azken ebaluazioko proiektua burutu dute.
Talde batek "IMPERIUM ROMANUM" izenburua duen lana aurkeztu du. JULIO-KLAUDIAR familiaren inguruko datu bilketa egin ondoren, gaian adituak direnentzak joku bat egin dute.
Bigarren taldeak "ZODIACUS LATINUS" proiektua gauzatu dute. Bertan ZODIAKOAn mitologia greko-latindarrak duen eragina aztertu dute horren inguruko joku bat asmatuz."
AG2030eko UDAL FOROA
Tolosako gainontzeko ikastetxeekin batera, aurtengo ikasturtean AG2030ean landu dugun “Basoen” gaia partekatu dugu udal taldearekin, gure konpromezu eta proposamenen berri emanez. Argazki gehiago ikusteko klikatu HEMEN.
