AURKEZPENA

Organikoki, 2 eskolen arteko batzordea da.

Egitura mixtoa du, hau da, bi ikastetxeetako guraso eta irakasleen  ordezkariek parte hartzen dute.

Ondorioz, bere plangintza (kirol batzorde nagusiak onartu eta gero) ikastetxeetako Urteko Planetan sartuta egongo da

Bi ikastetxeen artean kirol batzorde bakarra egotearen aldeko arrazoiak;

• Ikasleen jatorria ezaguna, jarraipen hobea. Ikasle gehienak Samaniegotik Orixera pasatzen dira eta hauek prozesuari jarraipena emango liokete. Ikasle berriak integratzeko ez da inongo oztoporik ikusten.
• Kirol ekitaldiak deialdi berean egiten dira gehienetan.
• Kirol ekitaldiak bi ikastetxeei zuzenduak izaten dira gehinetan
• Antolakuntza errazagoa (bidaiak, autobusa, eta abar)
• Baliabide guztien kudeaketa komunak hauen erabilera egokiagoa errazten du

1.-Ikasleen integrazioa, bai eskola mailan baita eskolen artean ere, harremanak bultzatuz eta sendotuz.

2.-Euskararen normalizazio prozesuan eragile aktiboa izatea, hau da, euskararen erabilera kiroletan normalizatzen laguntzea.

3.-Ikastetxearekiko identifikazioa lortzea, eskolaz kanpoko ekintzen bitartez.

4.-Goi- mailako ikasleak kirol ekintzetako monitore lanetan integratzea.

5.-Antolatzen diren ekintzetan, kirol-teknika maila hobetzea.

6.-Osasun hezkuntza lantzea prebentzio mailan. Bide batez, kirola osasun iturritzat azaltzea.

7.-Zenbait balore indartzea: parte hartzea, lehiakortasuna, kiroltasuna, begirunea…

• Kirol-eskolak, bere koordinatzailearen bidez, parte hartzen du eskualdean astero antolatzen diren jardueretan (partiduak, lehiaketak, ….). Jarduera horietara ikasleak beti monitore batekin joaten dira.
• Institutuko ikasleen partaidetza antolatzeko, alde batetik, kirol-eskolak berak kudeatzen ditu infantil mailako ikasleak; horrekin batera, eta kadete mailatik aurrera, Samaniego-Orixe Kirol-Kluba arduratzen da antolaketaz.
• Astebururo izaten diren jarduerez gain, Samaniego-Orixe Kirol Eskolak, gutxienez,  beste hiru ekintza antolatzen ditu ikasturtearen zehar:
  • Elkartasun krosa ( abenduaren 31n)
  • Asteburua elurretan ( otsailean edo martxoan)
  • Leitzarango jaitsiera bizikletaz (maiatzan )